Baka Natutunaw Na Ang Ice Cream Mo

Nakakatuwang pagmasdan ang mga bata. Pala ngiti. Masiyahin. Malikot. Mapang masid. Tapat. Bata. Napaka inosente nila. Parang walang problema sa buhay. Hindi alintana ang pagtaas ng presyo ng mga bilihin o ang recession na nangyayari sa Amerika. Madaling magparaya at laging puno ng pag asa.

Ang sarap maging bata. Totoo. Kung babalikan ko ang mga nagdaang taon sa aking buhay, ang kabataan ko na yata ang maituturing kong pinaka makulay... ang pinakamasaya. Walang deadlines na hinahabol. Walang assignments or exams. Ang tanging problema lamang noon ay ang pag-inom ng gatas at pagtulog sa tanghali. Walang nag eexpect at walang nag dedemand. Malaya kang gawin ang iyong nais. Malaya kang magkamali at matuto. Hindi na nakapagtataka kung bakit marami ang gustong manatili na lamang bata habambuhay.

Kanina ay ipinagdiwang ang araw ng batang Kristo, ang Sto Nino. Sabi ni Father, ang Pilipinas lang daw ang natatanging bansa sa Asya na mayroong Sto. Nino kung kaya’t mapalad tayo. Sabi pa nya, ang itsura daw ng mga Pilipino ay mas bata kumpara sa kanilang totoong edad. Sa palagay ko’y tama doon si Father. Dala na ito marahil ng ating pagiging masiyahin.

Sabi ng lola, iba na daw ang mga bata ngayon. Hi-tech na daw ang mga gamit at laruan. Nakikisabay na sila sa takbo ng siyensya at panahon. Maaaring totoo, subalit nakakatuwang isipin na ang mga simpleng bagay na nakapagdulot sa atin ng kasiyahan noon ay naghahatid pa rin ng kasiyahan sa kanila ngayon.

Pagkatapos ng misa kanina, pinagmasdan ko ang mga bata. May nag aayang kumain sa Jollibee (wala pang McDonald’s sa bayan namin), may nagpapabili ng ibon, may bugnot na at gusto ng umuwi at may nagpabili ng laruan sa plaza. Kapistahan na ng aming patrong Nuestra Senora de Candelaria sa Febuary 2, at gaya ng naka ugalian na, parating may baratillo sa bayan. Marami doong tindang kung ano ano na inaangkat pa yata mula sa Divisoria.

Kung tutuusin, wala naming nakakagulat sa tanawing ito. Ako man dati ay nagpapabili ng cotton candy sa tatay sa tuwing matatapos ang misa. Masaya na ako kapag may cotton candy ako. Dala dala ko ito hanggang sa bahay ng aking lola dahil dumadaan kami doon bago umuwi ng bahay para mag mano.

Sa gitna ng lahat ng ito ay may nakatawag ng aking pansin. Isang bata na may dala dala ng lobo. Nakakatuwa kung paanong hindi nya inaalis ang mga mata nya sa hawak nyang lobo na para bang kung titingin sya sa iba o di kaya’y pipikit man lang ay mawawala ito.

Mahilig din ako sa lobo noon. Simple lang ang mga lobo dati. Bilog lang. Ngayon kse ay kung ano ano na ang mga hugis. May hugis pagong, aso, buwaya, kuneho at pating. Hugis ni Godzilla ang hawak na lobo ng batang lalake. Tuwang tuwa sya habang pinagmamasdan ito.

Habang abalang abala ang bata sa pagtingin sa lobo at hindi nya namamalayan na natutunaw na pala ang dala dala nyang ice cream sa kabilang kamay. Mga ilang segundo pa siguro’y ice cream cone na lang ang hawak hawak nya.

Naisip ko, hindi nya kaya nararamdaman na tumutulo na ang ice cream? Bakit hindi nya ito pinapansin? Hindi ba pwedeng kumain ng ice cream at tingnan ang lobo ng sabay? Ano ba ang mas importante sa bata, ang ice cream o ang lobo?

Sa likod ng payak na tanawin na ito nagtatago ang mas malalim at mas mahalagang realidad ng buhay. Naisip ko, madalas ay gaya din tayo ng bata. Kalimitan ay abala din tayo sa pagtingin sa lobong hawak hawak ng ating isang kamay. Abala tayo sa pag abot ng ating mga pangarap. Abala sa mga bagay na sa ating palagay ay makapagbibigay sa atin ng lubos na kaligayahan sa buhay. Gaya ng mga lobo ngayon, iba’t ibang uri din ng lobo ang hawak ng bawat isa. May lobo ng pangarap, lobo ng trabaho, lobo ng kayamanan, lobo ng mga material na bagay, lobo ng panandaliang saya, lobo ng masamang bisyo, lobo ng bawal na gamot at ang napaka kulay na lobo ng pag ibig.

Ngunit hindi naman mahalaga kung anong lobo ang hawak natin. Ang mas importante ay kung paanong hindi natin napapabayaan ang mga bagay o mga tao sa ating paligid na sa huli’y siya namang tunay na mas mahalaga.

Ang sa akin lang, sana’y huwag natin mapabayaan ang ating mga pamilya dahil lamang sa kagustuhang abutin ang isang pangarap. Sana’y huwag nating isaalang alang ang ating mga prinsipyo sa buhay para lamang magkamit ng panandaliang kayamanan. Sana’y huwag mawala ang respeto natin sa ating mga sarili sa kagustuhang makuha ang lobo ng pag-ibig. Sana’y hindi maging huli ang lahat bago natin bigyang pansin ang ice cream na unti unti na palang natutunaw sa ating kabilang kamay.

Masuwerte tayo kung kagaya ng bata, pwede tayo ulit bumili ng panibagong ice cream. Masuwerte tayo kung pwedeng bumawi sa nawalang panahon. Masuwerte tayo kung may naghihintay pa sa ating bumalik dahil tunay silang nagmamahal sa atin. Masuwerte tayo kung hindi pa huli ang lahat.

Huwag na sana nating palagpasin ang pagkakataong makasama ang mga taong mahal natin sa buhay. I-enjoy natin ang bawat pagkakataong ibinibigay sa atin. Huwag sanang matunaw ang ice cream sa ating mga kamay dahil lamang abala tayo sa pagtingin sa hawak hawak nating lobo.

Ikaw? Natutunaw na ba ang ice cream mo?

Hindi naman status ang “LOVE”

Isang text message ang natanggap ko mula sa isang textmate. Ang totoo, hindi naman ito ang unang pagkakataong natanggap ko ang text message na ito, madaming beses na, pero ngayon ko lang naisipang sumulat tungkol dito. Ang sabi sa text: “So what if you are single, dating or in a relationship? At the end of the day, love is not a status.”

Nakakainis diba! Lalo na kapag nagsasagot ka ng mga application forms. Parati na lang tinatanong ang status mo. Single na nga ako sa mga application forms, pati ba naman sa totoong buhay eh single pa din.

Nakakatuwang isipin kung papaanong ang lipunan ay kayang isalarawan ang estado ng pakikipag relasyon ng isang tao sa pamamagitan lamang ng isang salita, na para bagang kaya na nitong bigyang kahulugan ang iyong buong pagkatao.

Sa aking pagkaka alam, ang marital status ng isang indibidwal ay pwedeng isalarawan sa siyam na paraan. Ito ay ang mga sumusunod:

1. Single --- a single person is one who is not married or in a romantic relationship. Single people may engage in dating to find a partner or spouse. Not all single people actively seek out a relationship, however, as some are content to wait for the 'right' person to enter their lives, while others do not seek relations at all due to being asexual or disabled.

2. Married --- Marriage is a social, religious, spiritual, or legal union of individuals. This union may also be called matrimony, while the ceremony that marks its beginning is usually called a wedding and the married status created is sometimes called wedlock.

3. Separated --- Legal separation (sometimes "separate maintenance," "divorce a mensa et thoro," or "divorce from bed-and-board") is a possible step towards divorce under the laws of many countries. A couple is legally separated only if the couple has successfully petitioned a court to recognize their separation; simply living apart does not constitute separation for these purposes.

4. Divorced --- Divorce or dissolution of marriage is a legal process that leads to the end of a marriage. Divorce laws vary considerably around the world. Divorce is not permitted in some countries, such as in Malta and in the Philippines, though an annulment is permitted.

5. Widowed --- A widow is a woman whose husband has died. A man whose wife has died is a widower. The state of having lost one's spouse to death is termed widowhood or (occasionally) viduity. The adjective is widowed.

6. Engaged --- An engagement is a promise to marry, and also refers to the time between proposal and marriage. During this period, a couple is said to be affianced, betrothed, engaged to be married, or simply engaged.

7. Annulled --- Annulment is a legal procedure for declaring a marriage null and void. Unlike divorce, it is retroactive: an annulled marriage is considered never to have existed.

8. Cohabitating --- Cohabitation is when people live together in an emotionally- and/or physically-intimate relationship. The term is most frequently applied to couples who are not married.

9. Deceased --- Death is the permanent termination of the biological functions that define a living organism. It refers both to a particular event and to the continuing condition that results thereby.

Isang salita para sa bawat isang tao. Nakakamangha kung paanong pwedeng ikategorya ng lipunan ang bawat isa sa atin. Kung papaanong pwedeng bigyan ng labels ang lahat.

Sa friendster nga, higit pa rito ang pwede mong pagpilian. May in a relationship, domestic partnership, at ang nakakatuwang status na: it’s complicated. Hindi lang yan, pwede mo ring ilagay kung ikaw ay interesado sa: Dating Men, Dating Women, Relationship with Men, Relationship with Women, Friends, Activity Partners o di kaya’y Just looking around. Sa guys4men nga, pwede mo ding ikategorya ang iyong sarili ng: chat only or looking for hook ups.

Kung susuriing mabuti. Hindi pwedeng isang salita lang magsalarawan ng totoong status ng isang tao. Halimbawa, madami kayang klase ng “single.” Bakit hindi rin kaya nila ito isama sa pwede mong pagpiliian sa status mo sa friendster? May single since birth, single by choice, single and happy, single and looking, single and enjoying, single and fooling around, single and dating, single and seeing a married guy, single and dating a couple, single and contented, single and doesn’t want to date, single but wants to be in a relationship, single blessedness, single and afraid of commitment at singles for Christ.

Kahit nga ang divorce ay may iba’t ibang uri din. May no-fault divorce, at-fault divorce, summary divorce, uncontested divorce, collaborative divorce, mediated divorce at kung ano ano pang terminolohiyo na sa huli’y ang ibig lang din namang sabihin ay wala ka ng asawa.

Kung ikaw ay nasa isang relasyon, sapat na bang sabihing ikaw ay “In a relationship”. Kaya na ba nitong ilarawan ang nararamdaman mo para sa iyong ka relasyon? Hindi ba’t maraming uri din naman nito. May in a relationship but wants to get out of a relationship, may in a relationship and happy, may in a relationship but sad, may in a relationship with someone who is in a relationship as well, may in a relationship with yourself, may in a relationship with work, may in a relationship with my book, my laptop or with my bed, may in a relationship with my dog, my cat or my bird, may in a relationship with a married guy, may in a relationship with my family, may in a relationship with the same sex, may in a relationship with a divorcee, may in a relationship with a ghost at may in a relationship with God. Hindi ba’t mas maganda kung ang status na ibininigay sa atin ay pwede nating i-personalize ayon sa kung sino o kung ano ang karelasyon natin?

Pag-ibig. Isa na marahil ito sa pinakapopular na topic sa buong mundo. Lahat ay naghahangad na maranasan ito kung hindi ma’y mabigyan man lang ng pagkakataong iparanas ito sa iba. Subalit ang pag big ay malayo sa status mo sa friendster, malayo ito sa tawag sa iyo ng lipunan, malayo ito sa nakasulat sa iyong mga applicaton forms. Nakakalungkot isipin na kayang ikahon ang ibig sabihin ng pag ibig sa isang salitang sing ikli lang ng single o di kaya’y married.

Sa huli, higit sa ano mang status sa friendster, ang totoong mas mahalaga ay ang totoong status natin sa buhay na hindi nakadepende sa iisang salita lamang. Higit na mahalaga ay ang pagmamahal natin sa ating mga sarili at ang pagbabahagi ng ating oras at panahon sa mga taong mahal natin. Higit na mahalaga ay kung papaanong isinasabuhay natin ang tunay na kahalugan ng pag ibig.

Sabi nga ng isang text message na aking natanggap, sa huli, ang pag ibig ay hindi naman talaga status.